സ്‌റ്റാഫ്‌ സെലക്‌ഷൻ കമീഷൻ (എസ്‌എസ്‌സി) നടത്തുന്ന കംബൈൻഡ്‌ ഹയർസെക്കൻഡറി ലെവൽ പരീക്ഷയുടെ വിജ്ഞാപനം പ്രസിദ്ധീകരിച്ചു. വിവിധ കേന്ദ്ര സർക്കാർ സ്ഥാപനങ്ങൾ, വകുപ്പുകൾ, മന്ത്രാലയങ്ങൾ തുടങ്ങിയവയിലെ ഗ്രൂപ്പ്‌ സി തസ്‌തികയായ ലോവർ ഡിവിഷൻ ക്ലർക്ക്‌/ ജൂനിയർ സെക്രട്ടറിയറ്റ്‌ അസിസ്‌റ്റന്റ്‌, ഡാറ്റ എൻട്രി ഓപ്പറേറ്റർ എന്നിവയിലാണ്‌അവസരങ്ങൾ. ആകെ 1600 ഒഴിവുകളാണ് കണക്കാക്കുന്നത്. പന്ത്രണ്ടാം ക്ലാസ്‌ അല്ലെങ്കിൽ തത്തുല്യമാണ് യോഗ്യത. പ്രായം: 18–-27. ടയർ – -1, 2 എന്നിങ്ങനെ രണ്ടുഘട്ടമായാണ്‌ പരീക്ഷ. രണ്ടും കംപ്യൂട്ടർ അധിഷ്‌ഠിതം. ആദ്യഘട്ട പരീക്ഷ ആഗസ്‌തിൽ. രണ്ടാം ഘട്ടം പിന്നീട്‌ അറിയിക്കും. കേരള – -കർണാടക റീജിയന്റെ ഭാഗമായ കേരളത്തിൽ ആറ്‌ പരീക്ഷാകേന്ദ്രമുണ്ട്‌. കോഴിക്കോട്‌, തൃശൂർ, എറണാകുളം, കോട്ടയം, കൊല്ലം, തിരുവനന്തപുരം എന്നിവ. ലക്ഷദ്വീപിൽ കവറത്തി കേന്ദ്രം. അപേക്ഷിക്കേണ്ട അവസാന തീയതി ജൂൺ എട്ട്‌. വിശദവിവരങ്ങൾക്ക്‌ http://ssc.nic.in കാണുക.
Post a Comment